ملائیشیا کے عازمین حج کا پہلا قافلہ سعودی عرب پہنچ گیا

ملائیشیا کے عازمین حج کا پہلا قافلہ سعودی عرب پہنچ گیا ہے۔

سبق ویب سائٹ کے مطابق ملائیشیا سے آنے والے قافلے کا مکہ مکرمہ اور مدینہ منورہ میں شاندار استقبال کیا گیا ہے۔

ملائیشیا کے عازمین حج کا استقبال معلم ادارے کے کئی عہدیداروں نے کیا ہے اور ان کو پھولوں اور یادگاری تحائف کے پیش کرکے خوش آمدید کہا گیا۔

اس موقع پر ایک تقریب منعقد کی گئی جس میں مناسک کی ادائیگی کے لیے اہم ہدایات، پریزنٹیشنز اور تحائف کا تبادلہ شامل تھا۔

ادارے کے نائب صدر محمود دمنہوری نے کہا ہے کہ ’ہمارا مقصد یہ ہے کہ ہم ٹرانسپورٹ، رہائش اور دیگر خدمات ایک چھتری تلے پیش کریں گے تاکہ حجاج کرام کا تجربہ بہتر بنایا جا سکے‘۔

انہوں نے حجاج کی خدمت کے عمل میں خواتین کے کردار کو سراہا اور خدمات کے معیار اور زائرین کی اطمینان کی نگرانی کے لیے ادارے کے عزم کا اعادہ کیا ہے۔