نشہ آور گولیاں وصول کرنے پر شہری کو سزائے موت

سعودی وزارت داخلہ نے کہا ہے کہ نشہ آور گولیاں وصول کرنے پر سعودی شہری پر سزائے موت کا فیصلہ نافذ کر دیا گیا ہے۔

سعودی پریس ایجنسی کے مطابق وزارت داخلہ نے کہا ہے کہ ’سعودی شہری سلامہ بن عید العمیری کو سمگل شدہ نشہ آور گولیاں وصول کرتے ہوئے گرفتار کیا گیا تھا‘۔

وزارت نے کہا ہے کہ ’تمام ثبوت اور دلائل کے ساتھ اسے عدالت میں پیش کیا گیا جہاں الزام ثابت ہونے اور زمین میں فساد پھیلانے پر اسے سزائے موت کا فیصلہ سنا دیا گیا‘۔

’بعد ازاں اپیل کورٹ نے زریں عدالت کے فیصلے کی تصدیق کی اور ایوان شاہی نے فیصلے پر عملدرآمد کی منظوری دی ہے‘۔

وزارت نے کہا ہے کہ ’آج منگل کو تبوک میں عدالت کا فیصلہ نافذ کردیا گیا ہے‘۔