ریاض، قصیم اور حائل میں آج بارش کا امکان

محکمہ موسمیات نے کہا ہے کہ آج اتوار کو ریاض، قصیم اورحائل گرج چمک کے ساتھ درمیانے درجے کی بارش کا امکان ہے۔

سبق ویب سائٹ کے مطابق محکمے نے کہا ہے کہ ’مکہ مکرمہ، مدینہ منورہ، الباحہ، عسیر، جازان اور نجران میں مطلع ابر آلود رہے گا جبکہ بالائی علاقو ں میں ہلکی بارش کی توقع ہے‘۔

’اسی طرح مذکورہ علاقوں کے علاوہ الجوف، شمالی حدود اور مشرقی ریجنوں میں تیز ہوا چلے گی‘۔

’بحیرہ احمر کے جنوبی حصے میں 35 کلو میٹر فی گھنٹہ کی رفتار سے ہوا چلے گی جبکہ باب المندب کی طرف 45 کلو میٹر فی گھنٹہ کی رفتار سے ہوا چل سکتی ہے‘۔

’تیز ہوا کے باعث ایک میٹر سے ڈیڑھ میٹر اونچی موجیں اٹھیں گی جبکہ خلیج عربی کے سمندر میں 35 کلو میٹر فی گھنٹہ تک ہوا کی رفتار ہے اور ایک میٹر تک اونچی موجیں اٹھنے کی امکان ہے‘۔