تھیٹراداکارہ کرینہ جان کا ڈرامہ لندن میں

 تھیٹر کی نامور اداکارہ کرینہ جان عید الفطر کے بعد اسٹیج ڈرامے میں پرفارم کرنے کے لئے لندن روانہ ہوں گی۔ طنز و مزاح سے بھرپور اسٹیج ڈرامہ لندن کے 16بڑے شہروں میں پیش کیا جائے گا جبکہ مذکورہ ڈرامے میں ٹی وی ، فلم اور تھیٹر کے نامور فنکاروں کو کاسٹ کیا گیاہے ۔ اس حوالے سے اداکارہ کرینہ جان نے کہا کہ پاکستان سمیت پوری دنیامیں میرے مداح موجود ہیں جو میری پرفارمنس کو بہت زیادہ پسند کرتے ہیں ۔ یہ ان کی جانب سے ملنے والی پذیرائی ہی ہے جو مجھے آگے بڑھنے کا حوصلہ فراہم کرتی ہے ۔ انہوں نے کہا کہ لندن ڈرامہ کے لئے ان دنوں خصوصی ڈانس آئٹم تیار کررہی ہوں جو میرے چاہنے والوں کو ضرور پسند آئے گا ۔ واضح رہے کہ اس ٹور کی پروموٹر معروف اداکارہ زارا اکبر ہیں۔