پرمٹ کے بغیر 7 غیر ملکیوں کو مکہ لے جانے کی کوشش، دو افراد گرفتار

سعودی عرب میں حج ضوابط  کی خلاف ورزی کرنے والوں کے خلاف کریک ڈاون جاری ہے۔

ایس پی اے کے مطابق حج سکیورٹی فورس نے7 غیرملکیوں کو  بغیر پرمٹ مکہ لے جانے کی کوشش پر دو افراد کو گرفتار کیا ہے۔

حج سکیورٹی فورس نے قانون کی طرف سے مقررہ سزاوں کے نفاذ کےلیے کیس متعلقہ کمیٹی کے پاس بھیج دیا ۔

یاد رہے کہ حج کے لیے پرمٹ کی شرط لازمی ہے جو بھی پرمٹ کے بغیر مکہ مکرمہ یا مشاعر مقدسہ میں داخل ہوگا یا وہاں قیام کرنے کی کوشش کرے گا وہ قوانین کی خلاف ورزی کا مرتکب ہو گا جس  پر 20 ہزار ریال کا جرمانہ مقرر ہے۔

مکہ مکرمہ کی حدود سے قبل تمام سمتوں سے آنے والی شاہراہوں پر چیک پوسٹیں حج سیزن کے آغاز سے ہی فعال کردی جاتی ہیں جہاں اہلکار 24 گھنٹے کی بنیاد پر تعینات ہوتے ہیں جو پرمٹ کے بغیر کسی کو مکہ مکرمہ جانے نہیں دیتے۔