سعودی وزیر خارجہ سے برطانوی ہم منصب کا رابطہ، خطے کی صورتحال پر تبادلہ خیال

سعودی وزیر خارجہ شہزادہ فیصل بن فرحان سے سنیچر کو برطانوی وزیرخارجہ ڈیوڈ لیمی نے ٹیلی فون پر رابطہ کیا ہے۔

ایس پی اے کے مطابق رابطے کے دوران دونوں ملکوں کے درمیان دوطرفہ تعلقات کا جائزہ، علاقائی اور بین الاقوامی صورتحال اور اس حوالے سے کی جانے والی کوششوں پر تبادلہ خیال کیا گیا۔

اس سے قبل سعودی وزیر خارجہ شہزادہ فیصل بن فرحان سے سنیچر کو جدہ میں ایرانی ہم منصب عباس عراقچی نے ملاقات کی۔

 ملاقات میں دوطرفہ تعلقات اور مختلف شعبوں میں ان کی سپورٹ کے طریقوں کا جائزہ لیا گیا۔ حالیہ علاقائی صورتحال اور اس حوالے سے کی جانے والی کوششوں پر بھی تبادلہ خیال کیا گیا۔