سعودی وزیر خارجہ کا کشیدگی میں کمی کے لیے پاکستانی اور انڈین ہم منصبوں سے رابطہ

سعودی وزیر خارجہ شہزادہ فیصل بن فرحان نے پاکستانی وزیر خارجہ اسحاق ڈار اور انڈین وزیر خارجہ ڈاکٹر ایس جے شنکر سے علیحدہ علیحدہ ٹیلیفونک رابطہ کیا ہے۔

سبق ویب سائٹ کے مطابق شہزادہ فیصل بن فرحان نے پاکستان اور انڈیا کے وزرائے خارجہ سے خطے کی حالیہ صورتحال پر تبادلہ خیال کیا ہے۔

شہزادہ فیصل بن فرحان نے دونوں رہنماؤں سے رابطوں کے دوران کشیدگی میں کمی، تصادم کو روکنے اور جاری عسکری محاذ آرائی کے خاتمے کے لیے کی جانے والی کوششوں پر تبادلہ خیال کیا ہے۔

وزیر خارجہ نے دونوں رہنماؤں سے رابطے میں اس بات پر زور دیا کہ سعودی عرب علاقائی امن و استحکام کا خواہاں ہے اور دونوں دوست ممالک کے ساتھ اس کے قریبی اور متوازن تعلقات ہیں۔