ریاض میں عوامی مقامات پرفائرنگ کرنے والے 4 افراد گرفتار

ریاض ریجن کی پولیس نے 4 شہریوں کو گرفتار کرنے میں کامیابی حاصل کی ہے۔ جو عوامی مقام پر ہوائی فائرنگ میں ملوث تھے۔

اخبار 24 کے مطابق محکمہ امن عامہ نے بتایا کہ 4 سعودی شہریوں کو ابتدائی قانونی کارروائی کے بعد پبلک پراسیکیوشن کے حوالے کردیا گیا ہے۔

محکمہ امن عامہ کا کہنا ہے کہ ان لوگوں نے فائرنگ کی ویڈیو بنانے کے بعد اسے سوشل میڈیا  پر شیئر بھی کیا تھا۔

محکمہ امن عامہ نے کہا کہ عوامی مقام پر آتشیں اسلحہ سے ہوائی فائرنگ کرنا خطرناک عمل ہے اس سے دوسروں کی زندگیاں خطرے میں پڑ سکتی ہیں۔