عادل الجبیر سے کینیا کے وزیر خارجہ کی ملاقات

سعودی وزیر مملکت برائے خارجہ امور اور ماحولیات کے خصوصی ایلچی عادل الجبیر سے کینیا کے وزیر خارجہ موسالیا مودافادی نے ملاقات کی ہے۔

سعودی پریس ایجنسی کے مطابق اقوام متحدہ کے عمومی اجلاس کے ضمن میں ہونے والی ملاقات کے دوران وزرا نے سعودی عرب اور کینیا کے درمیان تعلقات کے فروغ پر تبادلہ خیال کیا ہے۔

دونوں وزرانے خطے کو درپیش تازہ ترین حالات کے علاوہ بین الاقوامی أمور پر بھی بات چیت کی ہے۔