شہزادہ فیصل بن فرحان سے جرمنی کے ہم منصب کی ملاقات

سعودی وزیر خارجہ شہزادہ فیصل بن فرحان سے جرمنی کی ہم منصب اینالینا بیئرباک نے ملاقات کی ہے۔

سعودی پریس ایجنسی کے مطابق استقبالیہ تقریب میں دونوں وزرائے خارجہ نے دونوں ملکوں کے تعلقات کے فروغ کے علاوہ علاقائی اور بین الاقوامی أمور اور معاملات پر تبادلہ خیال کیا ہے۔

سعودی اور جرمن وزرائے خارجہ نے غزہ کی تازہ ترین صورتحال اور بحران کے حل کے لیے کی جانے والی مشترکہ کوششوں کا بھی جائزہ لیا ہے۔

ملاقات میں جرمنی میں سعودی عرب کے سفیرشہزادہ عبد اللہ بن خالد بن سلطان ، وزارت خارجہ کے سکریٹری برائے سیاسی أمور ڈاکٹر سعود الساطی اور مغربی أمور کے ذمہ دار خالد السبیعی بھی موجود تھے۔