ریاض میونسپلٹی کے تحت پارک میں عوامی نرسری کا افتتاح

ریاض میونسپلٹی نےالحمرا محلے میں واقع شہزادہ عبد العزیز بن عیاف پارک میں عوامی نرسری کا افتتاح کردیا ہے۔

سبق ویب سائٹ کے مطابق پہلی مرتبہ پبلک پارک میں نرسری کھولنے کااہتمام کیاگیا ہے۔

اس سے محلے کے رہائشی عام طور پر فائدہ اٹھا سکتے ہیں جبکہ محلوں میں زندگی کے معیار کو بھی بہتر بنایا جاسکتا ہے۔

میونسپلٹی کا منصوبہ ہے کہ وہ محلے کے پارکوں کو زیادہ فعال بنائے جہاں اہل محلہ نہ صرف گھومنے پھرنے کے لیے آئیں بلکہ انہیں پارک میں ہر طرح کی سہولت فراہم کی جائے۔

واضح رہے کہ ریاض میونسپلٹی نے قرہ نامی بچوں کی نرسری  کے ساتھ محلوں کے پارکوں میں نرسریاں کھولنے کا معاہدہ کیا ہے۔