رضا کارانہ خدمات کی آئیکن مشاعل آل مبارک انتقال کر گئیں

سعودی عرب میں رضا کارانہ انسانی خدمات کے میدان میں گراں قدر خدمات انجام دینے والی مشاعل آل مبارک انتقال کرگئی ہیں۔

 ان کے انتقال پر سعودی عرب میں عوامی حلقوں کی طرف سے افسوس کا اظہار کیا جا رہا ہے۔

العربیہ کے مطابق سعودی عرب کے وزیر ہیومن ریسورسز انجینئر احمد الراجحی نے مشاعل آل مبارک کی وفات پر گہرے دکھ اور افسوس کا اظہار کیا ہے۔

وزیر الراجحی نے متوفیہ کے اہل خانہ کے نام تعزیتی پیغام میں مشاعل آل مبارک کی سماجی،رضا کارانہ اور انسانی ہمدردی کے لیے خدمات کو سراہا۔

 انہوں نے کہا کہ مشاعل سعودی عرب میں بھلائی کے کاموں کا ایک آئیکن تھیں اور ان کی حسنات اور بھلائیوں کے اثرات تا دیر محسوس کئے جائیں گے۔

ان کی وفات پرعوامی حلقوں میں بھی صدمے کی لہر دوڑ گئی جبکہ سوشل میڈیا پر ان کی خدمات پرانہیں خراج عقیدت پیش کرتے ہوئے ان کے خاندان کے ساتھ دلی تعزیت کا اظہار کیا جا رہا ہے۔