مملکت میں جمعہ کے روز سونے کی قیمتوں میں غیرمعمولی اضافہ

سعودی عرب کی گولڈ مارکیٹ میں جمعہ کے روزسونے کے نرخ میں اضافے کا رجحان دیکھنے میں آیا۔ جمعہ کے روز 21 قیراط والے ایک گرام سونے کے نرخ 207.09 ریال رہے جبکہ جمعرات کو اس کی قیمت 204.55 ریال تھی۔

عاجل نیوز نے مقامی گولڈ مارکیٹ کے حوالے سے مزید کہا ہے کہ 24 قیراط ایک گرام سونا 236.67 ریال میں فروخت کیا گیا جبکہ 22 قیراط ایک گرام کے نرخ 216.96 ریال اور 18 قیراط ایک گرام کی قیمت 177.50 ریال رہی۔

جمعہ کے روز  8 گرام 21 قیراط والے سونے کی گنی کی قیمت 1988.03 ریال رہی جبکہ 22 قیراط والی گنی کے نرخ 2082.70 ریال رہے۔

ایک کلوسونے کے نرخ دو لاکھ 38 ہزار 326 ریال جبکہ 100 گرام کا سبیکہ ’بسکٹ‘ 23 ہزار951 ریال میں فروحت ہوا۔