حائل میں ’گھریلو جھگڑے‘ کے بعد گاڑی کو نذرِآتش کرنے والا شہری گرفتار

سعودی عرب کے حائل ریجن کی پولیس نے ایک ایسے شہری کو گرفتار کیا ہے جس کی گاڑی کو آگ لگانے کی ویڈیو سامنے آئی تھی۔

سبق نیوز کے مطابق مذکورہ شہری گاڑی کو آگ لگانے کے بعد موقع واردات سے فرار ہو گیا تھا۔

پولیس نے اس واقعے کی ویڈیو بنانے اور پھیلانے والے شخص کو بھی گرفتار کر لیا ہے۔

ابتدائی تفتیش کے بعد پتا چلا کہ اس نے گھریلو اختلافات کی بناء پر گاڑی کو نذرِ آتش کیا تھا۔

ان دونوں گرفتار افراد کے خلاف قانونی کارروائی کے بعد کیس پبلک پراسیکیوشن کے حوالے کر دیا گیا ہے۔