شاہ سلمان بن عبدالعزیز کو تاجکستان کے صدر کا مکتوب موصول
سعودی وزیر خارجہ شہزادہ فیصل بن فرحان نے بدھ کو مکتوب وصول کیا ہے(فوٹو ایس پی اے)
خادم حرمین شریفین شاہ سلمان بن عبدالعزیز کو تاجکستان کے صدر امام علی رحمن کا مکتوب موصول ہوا ہے۔
مکتوب دونوں ملکوں کے مضبوط اور گہرے برادرانہ تعلقات اور مختلف شعبوں میں ہر سطح پر انہیں جدید خطوط پر استوار کرنے اور مزید مضبوط بنانے کے حوالے سے ہے۔
سعو دی خبررساں ادارے ایس پی اے کے مطابق تاجکستان کے صدر نے ایکسپو 2030 کی سعودی دارالحکومت ریاض میں میزبانی سے متعلق مملکت کی درخواست کی حمایت کی ہے۔
تاجکستان کے صدر کا مکتوب سعودی وزیر خارجہ شہزادہ فیصل بن فرحان نے بدھ کو تاجکستان کے وزیر خارجہ سراج الدین مھر الدین سے جی سی سی جنرل سیکریٹریٹ ریاض میں وصول کیا ہے۔
اس موقع پر دونوں ملکوں کے وزرائے خارجہ نے سعودی عرب اور تاجکستان کے تعلقات اور مختلف شعبوں میں انہیں مضبوط بنانے کے طریقوں پر تبادلہ خیال کیا۔
علاوہ ازیں باہمی دلچسپی کے علاقائی و بین الاقوامی مسائل پر نقطہ ہائے نظر کا تبادلہ بھی کیا گیا ہے۔
شہزادہ محمد بن سلمان کو کوسٹا ریکا کے صدر کا مکتوب موصولNode ID: 692821
شاہ سلمان کو چینی صدر کی طرف سے مکتوب موصولNode ID: 698241
