سونے کی قیمت میں بڑے اضافے کا اعلان

پاکستان میں سونے کی قیمت میں ایک ہی روز میں دو ہزار روپے کا اضافہ ریکارڈ کیا گیا ہے۔

سندھ صرافہ بازار ایسوسی ایشن کے مطابق پیر 25 جولائی کو فی تولہ سونے کی قیمت میں 2000 روپے کا اضافہ ریکارڈ کیا گیا ہے۔

حالیہ اضافے کے بعد 24 قیراط سونے کی فی تولہ قیمت بڑھ کر 148300 روپے ہو گئی ہے۔

سونے کی فی دس گرام قیمت 1714 روپے بڑھ کر 127143 روپے رہی۔

انٹرنیشنل گولڈ مارکیٹ میں ٹریڈنگ کے دوران دو ڈالر کا اضافہ ہوا جس کے بعد سونے کی فی اونس قیمت 1730 ڈالر رہی۔

پاکستان میں 25 جولائی کو چاندی کی فی تولہ اور فی دس گرام قیمت بغیر کسی تبدیلی کے سابقہ سطح پر برقرار ہے۔