کورونا کے 963 کیسز کا اندراج، 980 شفایاب

سعودی وزارت صحت نے کہا ہے کہ آج جمعرات کو کورونا کے 963 کیسز کا اندراج ہوا ہے۔

سبق ویب سائٹ کے مطابق کورونا کا شکار ہونے والے مریضوں کی کل تعداد بڑھ کر 782131 ہوگئی ہے۔

وزارت نے کہا ہے کہ ’گزشتہ روز 980 مریض شفایاب ہوئے ہیں جبکہ ایک مریض ہلاک ہوا ہے‘۔

’شفایابی حاصل کرنے والے مریضوں کی کل تعداد 763195 ہوگئی ہے جبکہ ہلاک شدگان کی کل تعداد 9180 ہے‘۔

وزارت نے کہا ہے کہ ’ملک کے مختلف ہسپتالوں میں زیر علاج 114 مریضوں کی حالت نازک ہے‘۔