سعودی عرب کے کئی علاقوں میں چار دن تک بارش کا امکان

سعودی موسمیات کے قومی مرکز نے کہا ہے کہ’ سعودی عرب کے بعض علاقوں میں گرج چمک کے ساتھ چار روز تک بارش کا امکان ہے۔ کہیں درمیانے درجے اور کہیں موسلا دھار بارش کا سلسلہ رہے گا۔‘ 

اخبار24 کے مطابق قومی مرکز ن بیان میں کہا کہ’ بارش سے جازان، عسیر، باحہ اور مکہ مکرمہ کے بالائی علاقے متاثر ہوں گے جبکہ جازان اور عسیر ریجنوں میں بارش سے سیلاب آسکتا ہے‘۔

بیان میں موسمیات کے قومی مرکز نے کہا کہ’ گرج چمک کے ساتھ بارش کا آغاز جمعرات 16 جون سے شروع ہوگا اور اتوار 19جون تک بارش کا امکان ہے‘۔