کینو کی کھیپ میں نشہ آور گولیاں سمگل کرنے کی کوشش

ادارہ انسداد منشیات نے کینو کی کھیپ میں نشہ آور گولیاں سمگل کرنے کی کوشش ناکام بنا دی ہے۔

سعودی پریس ایجنسی کےمطابق محکمہ انسداد منشیات نے دو شامی تارکین کو بھی گرفتار کیا ہے۔

محکمے نے کہا ہے کہ ’مذکورہ افراد وزٹ ویزے پر آئے ہوئے تھے اور اپنے ساتھ کینو کی کھیپ لا رہے تھے‘۔

’تلاشی لینے پر معلوم ہوا کہ کینو کے کاٹن میں نہایت فنکاری سے نشہ آور گولیاں چھپائی گئی ہیں‘۔

’مذکورہ افراد کے قبضے سے 12 لاکھ 72 ہزار گولیاں پکڑی گئی ہیں۔ تفتیش مکمل کرنے کے بعد انہیں متعلقہ ادارے کے حوالے کیا جائے گا‘۔