کورونا سے صحت یاب افراد کی تعداد میں اضافہ، 10 اموات
کورونا سے صحت یاب افراد کی تعداد میں اضافہ، 10 اموات
جمعرات 19 اگست 2021 17:19
جمعرات کو کورونا کے سب سے کم مریض الباحہ میں ریکارڈ پر آئے- (فوٹو ایس پی اے)
مملکت میں گذشتہ کئی ہفتوں سے کورونا کے نئے کیسز میں کمی واقع ہورہی ہے اور صحت یاب ہونے والوں کی تعداد بڑھنے لگی ہے-
سبق اور اخبار 24 کے مطابق وزارت صحت نے جمعرات کو اعلامیے میں بتایا کہ گذشتہ چوبیس گھنٹوں کے دوران کورونا کے نئے کیسز 499 رہے جس کے بعد کل کیسز کی تعداد 5 لاکھ 40 ہزار 743 ہوگئی ہے۔
’صحت یاب ہونے والوں کی تعداد 877 رہی جس کے بعد کل شفایاب افراد کی تعداد 5 لاکھ 26 ہزار 436 تک پہنچ گئی ہے۔‘
وزارت صحت نے مزید بتایا کہ ’کورونا سے جمعرات کو 10 اموات ہوئیں جس کے بعد ہلاکتوں کی کل تعداد 8 ہزار 449 ہوچکی ہے-‘
انتہائی نگہداشت کے شعبے میں 1234 مریض ہیں (فائل فوٹو: ایس پی اے)
وزارت صحت کے مطابق جمعرات کو کورونا کے سب سے زیادہ نئے کیسز ریاض ریجن میں (145) ریکارڈ پر آئے- جس کے بعد مکہ ریجن میں 84، جازان میں 49، الشرقیہ میں 46، عسیر میں 43، قصیم میں 34، مدینہ میں 28، نجران میں 17، حائل میں 14، حدود شمالیہ میں 12، الجوف میں 11، تبوک میں 9 اور الباحہ میں 7 نئے کیسز ریکارڈ پر آئے-
وزارت صحت کے اعلامیہ میں مزید بتایا گیا کہ ’کورونا کے فعال کیسز کی تعداد 5 ہزار 858 ہے جبکہ انتہائی نگہداشت کے شعبے میں 1234 مریض ہیں-‘
وزارت صحت نے ایک بار پھر کہا ہے کہ ’تجارتی مراکز یا دیگر جگہوں پر جاتے وقت ماسک، توکلنا ایپ اور سماجی فاصلے کا اہتمام کریں- رش والے مقامات سے دور رہیں-‘
واٹس ایپ پر سعودی عرب کیخبروں کے لیے”اردو نیوز“گروپ جوائن کریں
