پاکستانی طالبہ زارا نعیم ڈار نے اکاؤنٹنگ کے امتحان میں دنیا بھر میں سب سے زیادہ نمبر لیے اور انعام کی حقدار قرار پائیں تو سوشل میڈیا اس منفرد اعزاز پر انہیں سراہے بغیر رہ نہ سکا۔
مزید پڑھیں
-
’یہ ہماری کار ہے، یہ ہم ہیں اور یہ ہماری پارٹی ہو رہی ہے‘Node ID: 540441 -
’شہزادی کو چھیڑا تو جیل جائیں گے‘ سیاحوں کو تنبیہہNode ID: 540516 -
لاہور سے تعلق رکھنے والی زارا نعیم کو ملنے والی کامیابی سے متعلق گفتگو کے بیشتر شرکا اس بات پر متفق تھے کہ ان کی یہ کامیابی سبھی کے لیے قابل فخر ہے۔
وفاقی وزیر برائے اطلاعات شبلی فراز نے انہیں مبارکباد دیتے ہوئے لکھا ’زارا نعیم ڈار اے سی سی اے کے امتحان میں کامیابی حاصل کر کے پاکستانی قوم کا فخربن گئی ہیں۔‘
Zara Naeem Dar has become pride of the nation by topping the ACCA exams across the world.Congratulations.
— Senator Shibli Faraz (@shiblifaraz) February 15, 2021
حکومت پاکستان کے آفیشل ٹوئٹر اکاؤنٹ سے بھی زارا نعیم ڈار کی تصویر شیئر کر کے ان کی کامیابی کو سراہا گیا تو اسے پاکستان کے لیے ’قابل فخر لمحہ‘ قرار دیا گیا۔
ٹوئٹر ٹائم لائنز پر زارا نعیم اور ان کی کارکردگی سے متعلق گفتگو کا دائرہ بڑھا تو ان کا نام ٹرینڈز لسٹ کا حصہ بنا رہا۔
ٹوئٹر صارف عمر نے لکھا ’اے سی سی اے‘ کا امتحان بہت مشکل ہوتا ہے جسے کچھ ہی لوگ اپنی محنت سے پاس کر سکتے ہیں۔ پوری دینا میں نام بنانے کے لیے بہت محنت کی ضرورت ہوتی ہے‘۔
پاکستانی طالبہ کی کامیابی کو بیرون ملک بھی سراہا گیا۔ پاکستان ایمبیسی آئرلینڈ کے آفیشل ٹوئٹراکاؤنٹ نے بھی ان کی کامیابی کو ملک کے لیے باعث فخر قرار دیا۔
آصف محمود نامی صارف نے اپنے تبصرے میں لکھا کہ زارا نعیم لگن اور عزم سے تعلیم حاصل کرنے والے طالب علموں کے لیے مثال ہیں۔
پاکستانی طالبہ کو ملنے والے کامیابی پر گفتگو کے دوران معاشرتی رویے اور سماجی ترجیحات بھی موضوع بنے۔ کومل انصاری نامی یوزر کا موقف تھا کہ کچھ دن قبل ایک لڑکی نے ایک ویڈیو بنائی اور ہر شخص اس لڑکی کے بارے میں جانتا ہے۔ مگر ایک لڑکی جو دنیا میں پاکستان کا فخر بنی، اے سی سی اے کا امتحان پاس کیا، لیکن ہم میں سے بہت مشکل سے اسے کوئی جانتا ہو۔
