ریاض: زیورات اور الیکٹرانک آلات چوری کرنے والے شہری گرفتار

ریاض پولیس نے  سونے کے زیورات، الیکٹرانک آلات اور گاڑی چھیننے والے دو سعودی شہریوں کو گرفتار کر لیا-

اخبار 24 کے مطابق ریاض پولیس کے ترجمان کا کہنا ہے کہ واردات کرنے والے دونوں سعودی عمر کے دوسرے عشرے میں ہیں- انہوں نے ایک فارمیسی میں ڈاکہ ڈالا تھا جبکہ ایک گھر میں گھس کر سونے کے زیورات اور الیکٹرانک آلات چھین کر فرار ہوگئے تھے-

ریاض پولیس نے بتایا کہ مسروقہ اشیا کی قیمت کا تخمینہ 45 ہزار ریال کے لگ بھگ ہے- دونوں شہریوں کے خلاف مقدمہ درج کر لیا گیا ہے اور قانونی کارروائی کے لیے انہیں پبلک پراسیکیوشن کے حوالے کر دیا گیا-

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں