امریکہ شام کے خلاف جارحیت سے باز رہے، روس

ماسکو۔۔۔امریکہ میں روسی سفیر ایناتولی اینتونوف نے رواں ہفتے امریکی حکام کو بتایا کہ روسی حکومت کو اس طرح کی علامات پر شدید تحفظات ہیں کہ امریکہ شام میں نئے حملوں کی منصوبہ بندی کر رہا ہے۔ روسی سفیر نے امریکہ کو شام کے خلاف بے بنیاد اور غیر قانونی جارحیت سے خبردار کیا ہے۔ واشنگٹن میں موجود روسی سفارت خانہ نے اپنے فیس بْک اکاؤنٹ پر لکھا کہ اینتونوف نے امریکی حکام سے ملاقاتیں کی ہیں جن میں شام کے لیے خصوصی امریکی نمائندے جیمز جیفری بھی شامل تھے۔