معذورمداح کو امیتابھ کا تحفہ

بالی وڈ اداکارامیتابھ بچن نے اپنے لاکھوں مداحوں میں سے ایک کو خصوصی تحفہ پیش کیا۔انہوں نے اپنے سماجی رابطہ اکاونٹ پر خبر دی ہے کہ 25 مارچ کا دن ان کیلئے یادگار ثابت ہوا جب ان کے مداح ان کی ایک جھلک دیکھنے کیلئے ان کے گھر کے باہر موجود تھے ۔ ان میں ایک معذورنوجوان بھی شامل تھا۔ امیتابھ نے اس معذور لڑکے کو گھر کے اندر آنے کی دعوت دی اور اسے اپنے کچھ کپڑے بطور تحفہ پیش کئے۔ امیتابھ نے اس عمل کو اپنے لئے خوشی کا باعث قراردیا۔