ریاض..... وزارت محنت کے ذرائع کا کہنا ہے کہ مختلف شعبوں میں سعودائزیشن کا نیا پروگرام نافذ کیا جائے گا۔ اس پروگرام کے تحت ہر ریجن میں کوٹہ سسٹم کی طرح سعودائزیشن نافذ کیا جائے گا۔ وزارت محنت گورنریٹ اور کمشنریوں کی سطح پر مختلف کمیٹیاں تشکیل دے رہی ہے۔ کمیٹیوں کی نگرانی وزارت داخلہ ، جوازات، وزارت تجارت اور وزارت بلدیاتی امور کے منتخب ارکان کریں گے۔ تمام متعلقہ سرکاری اداروں کے تعاون سے ہر ریجن اور اس کے ماتحت کمشنریوں میں سعودائزیشن کی نگرانی ہوگی۔ کوٹہ سسٹم کی طرز پر ہر کمشنری میں سعودائزیشن کی شرح متعین کی جائے گی۔
