کرینہ کپور کی نئی فلم کی پہلی جھلک

حال ہی میں بالی وڈ کی نئی فلم ' ویرے دی ویڈنگ ' کی پہلی جھلک منظرعام پر آگئی ۔فلم کا پہلا پوسٹر پیش کردیاگیا۔کرینہ کپورکی یہ نئی فلم تیاریوں کے آخری مراحل میں ہے۔ اداکارہ کرینہ کپور کے ہاں بیٹے کی ولادت کے بعد یہ ان کی پہلی فلم ہے۔ کافی عرصہ بالی وڈ سے دور رہنے کے بعد کرینہ اس فلم کے ذریعے سینما اسکرین پر لوٹ رہی ہیں۔ اس فلم کیلئے کرینہ نے کافی جتن کرکے اپنے وزن کو دوبارہ مینٹین بھی کرلیا ہے۔ اس فلم میں کرینہ کےساتھ اداکارہ سونم کپور اور سوارا بھاسکر اہم کرداروں میں نظرآئیں گی۔ ' ویرے دی ویڈنگ ' اگلے برس سینما اسکرین کی زینت بنے گی۔