جان ابراہم سیلاب متاثرین کی مدد کرینگے

اداکار جان ابراہم نے آسام سیلاب متاثرین کی مدد کا اعلان کیا ہے۔ جان ابراہم کا کہنا ہے وہ مقامی حکومت کےساتھ ملکر آسام سیلاب کے متاثرین کیلئے فنڈز اکٹھا کرنے کیلئے ایک چیریٹی شو کرینگے ۔ہندوستانی میڈیا سے گفتگو میں جان نے کہا کہ ہمارا دل آسام کے سیلاب متاثرین کےساتھ ہے۔ہم ان سے یکجہتی کا اظہار کرتے ہیں۔ واضح رہے کہ رواں ماہ آسام میں خوفناک طوفان اور سیلاب سے کئی جانیں ضائع ہوچکی ہیں جبکہ بڑے پیمانے پر مالی نقصان بھی ہواہے۔ اس سے قبل بالی وڈ کے ایک اور اداکار عامر خان نے اپنے فینز سے آسام متاثرین کی مالی مدد کرنے کی اپیل کی تھی۔