سعودی شہری مصر سے فضائی ایمبولینس کے ذریعے وطن منتقل

سعودی شہری کو مصر سے فضائی ایمبولینس کے ذریعہ وطن منتقل کردیا گیا ہے۔

سبق ویب سائٹ کے مطابق مذکورہ شہری سیاحت پر قاہرہ گئے ہوئے تھے جنہیں سعودی سفارتخانے کی نگرانی میں طبی سہولت کے ساتھ وطن منتقل کردیا گیا ہے۔

مصر میں سعودی سفارتخانے نے بتایا ہے کہ ’مذکورہ شہری کو مصری متعلقہ حکومتی ادارے کے تعاون سے منتقل کیا گیا ہے‘۔

طبی ذرائع نے کہا ہے کہ ’مذکورہ شہری کی حالت کافی خراب ہے جسے سعودی عرب میں علاج کی سہولت فراہم کی جائے گی‘۔