سعودی ولی عہد سے صدر احمد الشرع کا رابطہ، شام کے استحکام اور سکیورٹی پر تبادلہ خیال

سعودی ولی عہد و وزیراعظم شہزادہ محمد بن سلمان سے اتوار کو شام کے صدر احمد الشرع نے ٹیلی فون پر رابطہ کیا ہے۔

سرکاری خبر رساں ایجنسی ایس پی اے کے مطابق رابطے کے دوران دونوں ملکوں کے درمیان تعلقات جائزہ لیا گیا۔

دونوں رہنماوں نے شام کی حالیہ صورتحال سمیت اس کی سلامتی اور استحکام  کو بڑھانے کےلیے جاری کوششوں پر تبادلہ خیال کیا۔

یاد رہے کہ گزشتہ روز شامی صدر نے اپنے سرکاری دورے میں بحرین کے فرمانروا شاہ حمد بن عیسی آل خلیفہ سے ملاقات میں دوطرفہ تعلقات اور علاقائی امور پر تبادلہ خیال کیا تھا۔

صدر احمد الشرع کی قیادت میں شامی حکومت عرب اور مغربی ملکوں کے ساتھ تعلقات بہتر بنا رہی ہے۔

شامی صدر نے بحرین کا دورہ اور سعودی ولی عہد سے رابطہ ایسے وقت کیا ہے جب امریکی صدر ڈونلڈ ٹرمپ خلیجی ملکوں کے رہنماوں سے بات چیت کے لیے خطے کا دورہ کرنے والے ہیں۔