جدہ پورٹ پر میڈیسن کی شپمنٹ میں 40 کلو گرام کوکین سمگل کرنے کی کوشش ناکام

سعودی زکوۃ، ٹیکس اینڈ کسٹمز اتھارٹی نے جدہ اسلامک پورٹ سے مملکت میں 40 کلو گرام کوکین سمگل کرنے کی کوشش ناکام بنا دی۔

ایس پی اے کے مطابق میڈیسن کی ایک شمپنٹ میں منشیات چھپائی گئی تھی، مشتبہ شمپنٹ کا کسٹم  طریقہ کار کے مطابق معائنہ کیا گیا۔ جدید ٹیکنالوجی اور لائیو ڈیوائسز کی مدد سے منشیات کا سراغ لگایا گیا۔

زکوۃ، ٹیکس اینڈ کسٹمز اتھارٹی نے ملکی درآمدات اور برآمدات پر کسٹم کنٹرول کو مضبوط بنانے، معاشرے  کے تحفظ کو یقینی بنانے کے عزم کا اعادہ کیا۔