سعودی وزیر دفاع سے یمنی وزیراعظم کی ملاقات،علاقائی صورتحال پر تبادلہ خیال

سعودی وزیر دفاع شہزادہ خالد بن سلمان سے ریاض میں یمن کے نئے وزیراعظم سالم صالح بن بریک نے ملاقات کی ہے۔

ایس پی اے کے مطابق ملاقات میں یمن اورعلاقائی صورتحال، اس حوالے سے کی جانے والی کوششوں کے علاوہ سعودی عرب اور یمن کے تعلقات کو فروغ دینے کے طریقوں پر تبادلہ خیال کیا گیا۔

شہزادہ خالد بن سلمان نے یمنی عوام کی اقتصادی اور ترقیاتی امنگوں کے حصول کے حوالے سے یمنی حکومت کے لیے سعودی عرب کی سپورٹ جاری رکھنے کا اعاد کیا۔

انہوں نے سالم صالح بن بریک کی بطور وزیراعظم تقرری پر سعودی قیادت کی جانب سے تہنیتی پیغام دیا۔ یمنی عوام کی سلامتی، استحکام  اور خوشحالی کی خواہش کااظہار کیا۔

یاد رہے یمن کی عالمی سطح پر تسلیم شدہ حکومت نے سنیچر کو وزیر خزانہ سالم صالح بن بریک کو اپنا نیا وزیراعظم مقرر کیا تھا۔

اس موقع پر یمن میں سعودی سفیر محمد بن سعید آل جابر اور وزیر دفاع کے دفتر کے ڈائریکٹر جنرل ہشام بن عبدالعزیز بن سیف بھی موجود تھے۔