سعودی عرب شام کی معیشت اور تعمیر نو کی سپورٹ کے لیے بین الاقوامی کوششوں میں شریک
ورلڈ بنک اورعالمی مالیاتی فنڈ کے اجلاس میں سعودی وزیر خزانہ نے شرکت کی( فوٹو: ایس پی اے)
سعودی عرب شام کی معیشت اور تعمیر نو کی سپورٹ کے لیے کی جانے والی بین الاقوامی کوششوں کی قیادت کررہا ہے۔
ورلڈ بنک اورعالمی مالیاتی فنڈ کے اجلاس میں سعودی وزیر خزانہ محمد الجدعان جبکہ آئی ایم ایف کی میجنگ ڈائریکٹر کرسٹالینا جارجیوا اور ورلڈ بنک کے صدر اجے پنگا نے شرکت کی۔
ایس پی اے کے مطابق اجلاس کے شرکا نے شام کی تعمیر نو اور معاشی صورتحال کو بہتر بنانے کے حوالے سے جاری مشترکہ بیان میں شام کی معیشت کو درپیش چیلنجز اور ترقی کے لیے شامی حکومت کی کوششوں کی سپورٹ پر اتفاق کیا۔
مشترکہ اجلاس میں شامی عوام کی فوری ضرورتوں کو پورا کرنے اور اداروں کی تعمیر نو و انسانی صلاحیتوں کو استعمال کرتے ہوئے اصلاح حال کی کوششوں کو ترجیحی بنیادوں پر بہتر کرنے کےلیے مشترکہ کوششوں پر زور دیا گیا۔
شام کو بین الاقوامی برادری میں ضم کرنے اور ضروری وسائل حاصل کرنے کے قابل بنانے کے لیے کی جانے والی کوششوں کا بھی خیر مقدم کیا گیا۔
اجلاس میں اس بات کی یقین دہانی کرائی گئی کہ اکتوبر 2025 میں عالمی بینک اور آئی ایم ایف کے مشترکہ سالانہ اجلاس کے حوالے سے ہونے والی پیش رفت کی نگرانی کی جائے۔
شام میں عالمی اقتصادی بحالی کے لیے عالمی کوششوں کو مربوط کیا جائے تاکہ وہاں عوام کی اقتصادی صورتحال کو جلد از جلد بہتر کیا جاسکے۔
’امل رضاکارانہ پروگرام‘ سعودی طبی ٹیم کا پہلا گروپ دمشق پہنچ گیاNode ID: 885438
سعودی حکومت کی جانب سے شمال مشرق میں شامی معاہدے کا خیرمقدمNode ID: 887050
