پنکچروں کی دکانوں کے تفتیشی دورے، 200 زائد المیعاد ٹائر ضبط

وزارت تجارت نے پنکچر کی دکانوں میں تفتیشی دورے کے دوران 200 زائد المیعاد ٹائر ضبط اور تلف کئے ہیں۔

سبق ویب سائٹ کے مطابق وزارت نے کہا ہے کہ ’حائل شہر میں واقع پنکچر کی دکانوں میں تفتیشی دورے کئے گئے جن میں ضوابط اور سلامتی کے اصولوں کا جائزہ لیا گیا‘۔

’تفتیش ٹیم نے متعدد دکانوں میں فروخت ہونے والے ٹائروں کا جائزہ لیا تو معلوم ہوا کہ بعض ٹائر زائد المیعاد ہیں‘۔

’زائد المیعاد ٹائروں کو ضبط کرکے تلف کردیا گیا ہے اور دکانوں پر جرمانے عائد کئے گئے ہیں‘۔

وزارت نے صارفین کو ہدایت کی ہے کہ ہر ٹائر پر تاریخ انتہا درج ہے، خریدنے سے پہلے اس تاریخ کو دیکھ لیا جائے۔