فضائی ایمبولینس سے 3 شہریوں کی کویت سے مملکت منتقلی
جمعرات 10 اپریل 2025 19:06
سعودی شہریوں کو شدید صحت مسائل کا سامنا تھا۔ (فوٹو سبق)
سعودی سفارت خانے کے تعاون سے ایئرایمبولینس کے ذریعے 3 سعودی شہریوں کو کویت سے مملکت منتقل کردیا گیا۔
سبق نیوز کے مطابق کویت میں سعودی سفارتخانے کو اطلاع ملی تھی کہ 3 سعودی شہری کو صحت مسائل کا سامنا ہے جس کی وجہ سے انہیں فوری طور پر وطن منتقل کرنا ضروری ہے۔
سعودی سفارت کاروں نے وزارت خارجہ کے ذریعے مملکت میں متعلقہ ادارے سے رابطہ کیا تاکہ جلد از جلد بیمار شہریوں کو وطن منتقل کیا جاسکے۔
سفارت خانے کی جانب سے موصول ہونے والی درخواست پر فوری کارروائی کرتے ہوئے فضائی ایمبولینس اور طبی عملہ کویت روانہ کردیا گیا۔
کویت میں سعودی سفارت کاروں نے متعلقہ حکام کے تعاون سے تینوں بیمار شہریوں کو ایئرپورٹ منتقل کیا جہاں سعودی ایئر ایمبولینس پہنچ گئی تھی جس کے ذریعے انہیں مقررہ طبی ضوابط کے تحت مملکت منتقل کیا گیا۔
دبئی: ایئر ایمبولینس کے ذریعے مریض کی مملکت منتقلیNode ID: 756451
ایئر ایمبولینس کے ذریعے سعودی مریض کی مملکت منتقلیNode ID: 886531
