Sorry, you need to enable JavaScript to visit this website.
جمعہ ، 25 جولائی ، 2025 | Friday , July   25, 2025
جمعہ ، 25 جولائی ، 2025 | Friday , July   25, 2025

مملکت کے کون سے علاقے پیر تک بارش سے متاثر رہیں گے؟

مکہ مکرمہ، مدینہ منورہ اور ریاض کے مغربی حصے بارش سے متاثر ہوسکتے ہیں۔ (فوٹو سبق)
محکمہ موسمیات کے تجزیہ کار عقیل العقیل نے کہا ہے  کہ مملکت کے کئی علاقے پیر تک بارش سے متاثر رہیں گے۔
الاخباریہ چینل سے گفتگو کرتے ہوئے العقیل نے کہا کہ بارش جن علاقوں میں ہوگی ان میں مکہ مکرمہ، مدینہ منورہ اور ریاض کے مغربی حصے شامل ہیں۔
دوسری جانب محکمہ موسمیات کا کہنا ہے کہ کل سنیچر اور اتوار کو مکہ مکرمہ ریجن  کے 6 شہر بارش سے متاثر ہوسکتے ہیں۔
موسمیاتی مرکز کا کہنا ہے کہ ان میں مکہ شہر، الجموم، بحرہ، خلیص، جدہ اور رابغ شامل ہیں,
قومی مرکز کا کہنا ہے کہ ان علاقوں میں بارش ہلکی سے درمیانی درجے تک ہوسکتی ہے۔
دوسری جانب شہری دفاع کا کہنا ہے کہ مکہ ریجن کے رہنے والے بارش کے دوران احتیاط برتیں اور ہدایات پر عمل کریں۔
 

 

شیئر: