سعودی قیادت کی طرف سے یوم پاکستان پر مبارکباد

خادم حرمین شریفین شاہ سلمان بن عبد العزیز اور ولی عہد شہزادہ محمد بن سلمان نے یوم پاکستان پر مبارکباد پیش کی ہے۔

سعودی پریس ایجنسی کے مطابق سعودی قیادت نے پاکستان کے صدر آصف علی زرداری کو تہنیتی پیغام روانہ کئے ہیں۔

سعودی قیادت نے صدرآصف علی زرداری کے لیے صحت و عافیت اور نیک تمناؤں کا اظہار کیا ہے۔

سعودی قیادت نے قومی دن پر پاکستان کے لیے مزید ترقی و کامرانی کی امید ظاہر کی ہے۔