ریاض ریجن میں عوامی مقام پر جھگڑے میں ملوث 6 غیرملکی گرفتار

سعودی عرب کے ریاض ریجن میں پولیس نے عوامی مقام پر جھگڑے میں ملوث 6 غیرملکیوں کو گرفتار کیا ہے۔

اخبار 24 نے محکمہ امن عامہ کے حوالے سے بتایا عوامی مقام پر جھگڑے کی وڈیو سوشل میڈیا پر وائرل تھی۔ شناخت کے بعد مصری شہریوں کو گرفتار کیا گیا۔

سکیورٹی حکام نے بتایا’ ملزمان کو ابتدائی قانونی کارروائی کے بعد پبلک پراسیکوشن کے حوالے کردیا گیا۔‘

علاوہ ازیں جھگڑے کی وڈیو بنانے اور اسے سوشل میڈیا پر شیئر کرنے پر ایک پاکستانی باشندے کو انسداد سائبر قانون کی خلاف ورزی کے الزام میں حراست میں لیا گیا ہے۔