سرحدی محافظوں نے الخبر میں خاتون کو تیراکی کے دوران ڈوبنے سے بچا لیا
خاتون کو ہسپتال پہنچا گیا، اس کی حالت بہتر بتائی جا رہی ہے۔(فوٹو: ایس پی اے)
سعودی سرحدی محافظوں کی سرچ اینڈ ریسکیو ٹیموں نے مملکت کے الشرقیہ ریجن میں الخبر کےساحل پر ایک خاتون کو تیراکی کے دوران ڈوبنے سے بچا لیا۔
ایس پی اے کے مطابق خاتون ساحل پر تیراکی کے دوران مشکل میں تھی، سرحدی محافظوں نے ریسکیو آپریشن مکمل کیا اور اسے مدد فراہم کی۔
خاتون کو فوری طور پر ہسپتال پہنچا گیا، اب اس کی حالت بہتر بتائی جا رہی ہے۔
جنرل ڈائریکٹوریٹ آف بارڈر گارڈز نے میری ٹائم سیفٹی گائیڈ لائنز پر عمل کرنے اور ممنوعہ علاقوں میں تیراکی سے گریز کی ہدایت کی ہے۔
مکہ مکرمہ اور مشرقی ریجن میں 911 اور مملکت کے دیگر علاقوں میں 994 پر ہنگامی امداد کےلیے کال کی جا سکتی ہے۔
سعودی سرحدی محافظوں نے پانچ شہریوں کو ڈوبنے سے بچا لیاNode ID: 883265
