زائرین مسجد الحرام نے بارش کے دوران ظہر کی نماز ادا کی

مسجد الحرام میں آج پیر کو تیز بارش ہوئی ہے جس کے دوران زائرین نے ظہر کی نماز ادا کی ، طواف جاری رکھا اور باران رحمت کے نزول پر دعائیں کیں ہیں۔

سبق ویب سائٹ کے مطابق مکہ مکرمہ میں بارش کا سلسلہ جاری ہے جبکہ محکمہ موسمیات نے جدہ سمیت قرب وجوار کے شہروں میں مطلع ابر آلود رہنے کی اطلاع دی ہے۔

واضح رہے حرمین شریفین انتظامیہ نے مسجد الحرام کی خدمت پر مامور متعدد سرکاری اداروں کے تعاون سے مسجد الحرام میں بارش  کے مسائل سے نمٹنے کے لیے ہنگامی سکیموں پر عمل درآمد شروع کررکھا ہے۔

حرمین شریفین انتظامیہ کی کوشش ہے بارش کے دوران زائرین کی سلامتی کو یقینی بنایا جائے۔

بارش کے دوران مطاف، نماز کے مقامات، داخلی راستوں پر فوری طور پر پانی کی نکاسی اور فرش خشک کیے جانے کو یقینی بنایا جارہا ہے۔