فٹبال سٹار نیمار نے دبئی میں 20 کروڑ درہم مالیت کا پینٹ ہاؤس خرید لیا ہے۔
سبق ویب سائٹ کے مطابق مقامی کمپنی بن غاطی کے تحت بوگاٹی ریزیڈنسی نام کا منصوبہ انتہائی لگژری رہائشی سکیم ہے جو دنیا کے مشہور ترین افراد کی توجہ کا مرکز بنا ہوا ہے۔
مبصرین کا کہنا ہے کہ دبئی میں بن غاطی بوگاٹی ریزیڈنسی انتہائی منفرد رہائشی سکیم ہے جہاں پینٹ ہاؤسز کے علاوہ دیگر رہائشی آپشن فراہم کیے جاتے ہیں۔
نیمار نے جو پینٹ ہاؤس خریدا ہے، اس میں سوئمنگ پول کے علاوہ گاڑی کے لیے خصوصی لفٹ بھی ہے جبکہ اس کا ویو پورے دبئی کا أحاطہ کرتا ہے۔
