القصیم میں لڑکی کو ہراساں کرنے والا انڈین گرفتار

القصیم ریجن میں سیکیورٹی فورس نے لڑکی کو ہراساں کرنے  پر ایک غیرملکی کو گرفتار کرلیا۔

سعودی خبررساں ادارے ’ایس پی اے‘ کے مطابق القصیم سیکیورٹی فورس کا کہنا ہے کہ انڈین شہری اسلام علی خان  نے لڑکی کو ہراساں کیا تھا جس کے بعد اسے گرفتار کرلیا گیا۔

فورس نے اس حوالے سے تمام تفصیلات اپنے ایکس (ٹوئٹر) اکاؤنٹ پر جاری کردی ہیں۔

سیکیورٹی فورس کا کہنا ہے کہ تمام قانونی کارروائی کے بعد اسے پبلک پراسیکیوشن کے حوالے کردیا گیا۔

سیکیورٹی فورس کا کہنا ہے کہ ہراساں کرنے، چھیڑ خانی اور اسی طرح کے دیگر کیسز میں گرفتار کیے جانے والوں کے بارے میں تمام تفصیلات سے میڈیا کو آگاہ کیا جاتا رہے گا۔

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں