شہزادہ فیصل بن فرحان کی انڈین وزیر خارجہ سے ملاقات

سعودی وزیر خارجہ شہزادہ فیصل بن فرحان نے انڈین ہم منصب سبرا منیم جے شنکر سے ملاقات کی ہے۔

سعودی پریس ایجنسی کے مطابق ملاقات انڈین دار الحکومت نئی دہلی میں ہوئی ہے۔

واضح رہے کہ سعودی وزیر خارجہ شہزادہ فیصل بن فرحان انڈیا کے سرکاری دورے پر ہیں۔

ملاقات کے دوران دونوں وزرائے خارجہ نے سعودی عرب اور انڈیا کے درمیان تعلقات کے فروغ پر بات چیت کی ہے۔

دونوں وزرا نے خطے کو درپیش تازہ ترین حالات اور عالمی معاملات پر بھی تبادلہ خیال کیا ہے۔