سعودی ولی عہد شہزادہ محمد بن سلمان سے ایرانی صدر کا ٹیلیفونک رابطہ

سعودی ولی عہد شہزادہ محمد بن سلمان بن عبدالعزیز سے اتوار کو ایرانی صدر ڈاکٹر مسعود پزشکیان نے ٹیلیفون پر رابطہ کیا۔

سعودی خبررساں ادارے ایس پی اے کے مطابق اس موقع پر فلسطینی علاقوں اور لبنان پر اسرائیل جارحیت کے حوالے سے بات چیت کی گئی۔

ٹیلی فونک رابطے میں ایرانی صدر نے مشترکہ عرب اسلامی سربراہی اجلاس بلانے پر مملکت کے اقدام کی تعریف کی اور سربراہی اجلاس کی کامیابی کے لیے نیک تمناؤں کا اظہار کیا۔

گفتگو کے دوران دونوں ممالک کے درمیان تعلقات  کی ترقی اور انہیں مضبوط بنانے کے طریقوں کا بھی جائزہ لیا گیا۔

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں