سعودی ولی عہد سے امیر کویت اور بحرینی شاہ کا ٹیلیفونک رابطہ

سعودی ولی عہد شہزادہ محمد بن سلمان سے  امیر کویت اور شاہ بحرین نے ٹیلیفون پر رابطہ کیا۔

سعودی خبررساں ادارے ’ایس پی اے‘ کے مطابق امیر کویت  شیخ مشعل الاحمد الجابر الصباح نے سعودی ولی عہد شہزادہ محمد بن سلمان سے ٹیلیفون پر رابطہ کرکے انہیں عید کی مبارکباد پیش کی۔

شہزادہ محمد بن سلمان نے بھی امیر کویت کو عید کی مبارک باد پیش کرتے ہوئے دعاؤں کا تبادلہ کیا۔

اس موقع پر دونوں رہنماؤں نے دعا کی کہ اللہ تعالی عید کی خوشیاں امت مسلمہ کو بار بار دیکھنا نصیب کرے۔

دوسری جانب سعودی ولی عہد سے بحرین کے شاہ حمد بن عیسی آل خلیفہ نے بھی ٹیلیفون پر رابطہ کیا اور انہیں عید کی مبارک باد پیش کی۔

اس موقع پر شہزادہ محمد بن سلمان نے انہیں عید کی مبارک باد دی اور دونوں رہنماؤں نے دعاؤں کا تبادلہ  کیا۔

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں