زیر علاج عازمین کی جدہ سے عرفات ہسپتال منتقلی

جدہ میں محکمہ صحت نے کہا ہے کہ شہر کے مختلف ہسپتالوں میں زیر علاج عازمین حج کو عرفات میں جبل رحمت ہسپتال منتقل کردیا گیا ہے۔

سبق ویب سائٹ کے مطابق محکمہ صحت نے کہا ہے کہ ’جدہ میں زیر علاج عازمین کی حج کی تعداد 6 ہے جن میں سے 5 کو ایمبولینس کے ذریعہ جبکہ چھٹے عازم کو فضائی ایمبولینس کے ذریعہ عرفات منتقل کیا گیا ہے‘۔

محکمہ صحت نے کہا ہے کہ ’مریض عازمین کی منتقلی کا عمل ہلال احمر کے تعاون سے کیا گیا ہے‘۔

’زیر علاج عازمین کی منتقلی طبی نگرانی میں ہوئی ہے جبکہ ایمبولینس کے قافلے میں طبی عملے کے علاوہ تمام احتیاطی تدابیر اختیار کی گئی ہیں‘۔