کویتی ولی عہد شیخ صباح سعودی عرب کا دورہ کریں گے

کویتی ولی عہد شیخ صباح خالد الحمد الصباح  کل منگل کو سعودی عرب کا سرکاری دورہ کریں گے۔

سبق ویب سائٹ کے مطابق کویتی خبررساں ایجنسی نے کہا ہے کہ ’کویتی ولی عہد کے ہمراہ سرکاری وفد ہوگا‘۔

خیال رہے کہ کویتی ولی عہد کا منصب سنبھالنے کے بعد یہ پہلا سرکاری دورہ ہے۔

قبل ازیں امیر کویت شیخ مشعل الأحمد الجابر الصباح نے شیخ صباح خالد الحمد الصباح کو ولی عہد مقرر کرنے کا فرمان جاری کیا تھا ۔

حلف اٹھانے کی تقریب میں امیر کویت نے ولی عہد کو مبارکباد پیش کی اور کامیابی کی امید ظاہر کی ہے۔