وزیر اعظم پاکستان شہباز شریف نے سعودی فرمانروا شاہ سلمان بن عبدالعزیر کی صحت یابی کے لیے دعا اور نیک خواہشات کا اظہار کیا ہے۔
پیر کو ایکس (سابق ٹوئٹر) پر وزیراعظم پاکستان نے لکھا ’مجھے شدید تشویش کے ساتھ سعودی فرمانروا شاہ سلمان بن عبدالعزیر کی خرابی صحت کے بارے میں معلوم ہوا ہے۔ شاہ سلمان نہ صرف پاکستان کے مخلص دوست اور خادم الحرمین شریفین ہیں بلکہ پوری مسلم امہ کے رہنما اور رہبر ہیں۔ میں اور پاکستان کے عوام شاہ سلمان بن عبد العزیر کی جلد اور مکمل بحالی صحت کے لیے دعاگوں ہیں۔‘
خیال رہے قبل ازیں سعودی ایوان شاہی نے کہا تھا کہ ’شاہ سلمان بن عبد العزیز کے اتوار کو جدہ کے قصر السلام کے رائل کلینک میں طبی معائنے مکمل ہوگئے۔‘
سعودی پریس ایجنسی کے مطابق انہیں پھیپھڑوں میں انفیکشن کی تشخیص کی گئی ہے۔
طبی ٹیم نے انفیکشن ختم ہونے تک اینٹی بائیوٹکس کے کورس پر مشتمل علاج تجویز کیا ہے۔
