پاکستانی کرکٹر عالیہ ریاض نے وقار یونس کے بھائی علی یونس سے منگنی کر لی

پاکستان ویمنز کرکٹ ٹیم کی آل راؤنڈر عالیہ ریاض نے سابق پاکستانی کپتان اور عظیم بولر وقار یونس کے بھائی علی یونس سے منگنی کر لی ہے۔

کرکٹ ویب سائٹ ’کرکٹ پاکستان‘ کے مطابق عالیہ ریاض کی علی یونس سے منگنی کی تقریب واہ کینٹ کے علاقے میں ہوئی جس میں دونوں طرف سے اہل خانہ اور قریبی عزیزواقارب نے شرکت کی۔

منگنی کی اس تقریب میں وقار یونس بھی اپنی فیملی کے ساتھ شریک ہوئے۔

عالیہ ریاض اور علی یونس نے اپنی منگنی کی جھلکیاں فوٹو اینڈ ویڈیو شیئرنگ پلیٹ فارم انسٹاگرام پر شیئر کیں۔

یہاں خیال رہے کہ علی یونس سابق بینکر ہیں اور پاکستان سپر لیگ (پی ایس ایل) میں کرکٹ کمنٹری بھی کرتے ہیں۔
 

دوسری جانب عالیہ ریاض پاکستان ویمنز ٹیم کی طرف سے اب تک 62 ون ڈے اور 83 ٹی20 میچز کھیل چکی ہیں۔

انہوں ںے 62 ون ڈے میچز میں گرین شرٹس کی جانب سے 1209 رنز اور 10 وکٹیں حاصل کیں۔

اسی طرح عالیہ ریاض 83 ٹی20 میچز میں پاکستان کی جانب 938 رنز بنانے کے ساتھ ساتھ 20 وکٹیں بھی حاصل کر چکی ہیں۔