یوم تاسیس پر سٹار فٹبالر نیمار اور بنزیما سعودی روایتی لباس میں

یوم تاسیس کی مناسبت الہلال فٹبال کلب اور الاتحاد فٹبال کلب نے جشن مناتے ہوئے سٹار فٹبالروں کی سعودی لباس میں تصاویر اور ویڈیو جاری کی ہیں۔

سبق ویب سائٹ کے مطابق الہلال  کلب نے یوم تاسیس کا جشن کلب کے صدر دفتر میں کیا ہے جس میں سٹار فٹبالر نیمار نے سعودی روایتی لباس میں شرکت کی ہے۔

جشن میں سعودی عرب کے روایتی نغمے اور رقص پیش کیا گیا ہے  جبکہ کلب میں سعودی جھنڈیوں سے مزین کیا گیا۔

دوسری طرف الاتحاد کلب نے ایکس پر اپنے اکاؤنٹ میں یوم تاسیس کی ویڈیو جاری کی ہے جس میں سٹار فٹبالر کریم بنزیما سعودی روایتی لباس میں ملبوس نظر آئے۔

الاتحاد فٹبال کلب نے یوم تاسیس پر سعودی قیادت اور عوام کو مبارکباد پیش کرتے ہوئے کہا ہے کہ تین صدیوں پر محیط تاریخ پر ہمیں فخر و ناز ہے۔