سعودی قیادت کی طرف سے تنزانیا کو یوم آزادی پر مبارکباد

خادم حرمین شریفین شاہ سلمان بن عبد العزیز اور ولی عہد شہزادہ محمد بن سلمان نے تنزانیا کو یوم آزادی پر مبارکباد پیش کی ہے۔

سعودی پریس ایجنسی کے مطابق سعودی قیادت نے تنزانیا کی صدر ڈاکٹر سامیہ صولوحو کو تہنیتی پیغام روانہ کئے ہیں۔

سعودی قیادت نے تنزانیا کی صدر کو روانہ کئے جانے والے مکتوب میں کہا ہے کہ  تنزانیا کے یوم آزادی پر مبارکباد پیش کرتے ہوئے ملک اور قوم کے لیے مزید ترقی اور کامرانی کی امید رکھتے ہیں۔

سعودی قیادت نے کہا ہے کہ  ہم امید رکھتے ہیں کہ سعودی عرب اور تنزانیا کے درمیان مختلف شعبوں کو تعاون کو فروغ دیا جائے گا۔